Thursday, March 08, 2007

Mrigtrishna


Jaane kyon man vichalit hai,
Kyon vicharon ka ufan aata hai,
Jab shant hai vatavaran saara,
Toh kyon man mein tufan aata hai?

Ek ladi si lag jaati hai khayaalon ki,
Jinka na aapas mein naata hai,
Samajhne ka karoon kitna bhi prayaas,
Kintu samajh mein kuch na aata hai.

Mrigtrishna si tadap hai ab,
Yeh baat kyonki jaanti hoon,
Who saare uttar bhi toh mere hi paas hain,
Jinke peeche anaayas hi bhaagti hoon…